Heroes de Casaldeirigo
Benvido/a batalleiro/a!
Presentámonos: somos a Asociación Cultural Heroes de Casaldeirigo, unha asociación sen ánimo de lucro que recrea, ano tras ano, a batalla dos nosos antepasados contra o exército francés de Napoleón.
Sí, como les, os nosos antepasados, veciños da aldea de Casal do Eirigo, loitaron polas súas terras no ano 1809 contra o gran exército de Napoleón, queres saber se gañamos? Pois contámosche a nosa historia:
Baixo os outeiros do monte Xesteiras, nas inmediacións da Capela da Saúde, o exército galego, auxiliado polos campesiños do lugar, armados coas súas rudimentarias armas e con máis ganas que posibilidades, libraron unha cruel batalla, corpo a corpo, coas tropas napoleónicas invasoras. "Chuzos" e "galletas" contra sabres e fusís; David contra Goliat; labradores contra soldados franceses profesionais. Esta foi a esencia da batalla de Casal do Eirigo. Malia non alcanzar a vitoria completa, os campesiños si lograron facer recuar aos franceses, o que soubo a triunfo.
Contacto
Casal do Eirixo, Valga
heroescasaldeirigo@gmail.com
¿Que representa a batalla de Casaldeirigo?
Preguntas frecuentes
1. Cando se celebra a Batalla de Casaldeirigo 2024?
Moi pronto anunciaremos as datas da Edición 2024, esperámosvos nos redores da Capela da Saúde de Casaldeirigo!
2. Como podo participar?
É moi fácil! Só tes que enviar un email ao seguinte enderezo: heroesdecasaldeirigo@gmail.com e estaremos encantados de falar contigo!
3. É un espectáculo apto para nenos?
Os nenos son os grandes benvidos da batalla. É unha oportunidade para eles de vivir de primeira man unha clase de historia mentras o pasan ben e disfrutan das actividades que propoñemos todos os anos para os máis peques da casa.